荷里活男星佐治古尼（George Clooney）與人權律師妻子Amal上月誕下龍鳳胎Alexander與Ella，法國雜誌《Voici》前日刊載偷拍佐治夫婦於意大利寓所花園抱着孖B的照片，佐治發聲明稱會入稟控告對方：「《Voici》雜誌嘅攝影師爬過我家圍欄，爬上我哋棵樹，非法咁喺我哋屋企影我哋嘅嬰孩。為咗我小朋友嘅安全，攝影師、代理公司同雜誌都會被法律徹底控告。」根據意大利法律，狗仔隊不得偷拍私人地方內部情況及被刻意遮掩的人或物，因此佐治打官司的勝算甚高。