爛玩安采妮畀星探捉「上床」
現年23歲的藝人安采妮（Charlie）多才多藝，全賴人仔細細已接觸多項運動，例如策騎、游泳與玩水上電單車等，活潑程度拍得住男仔！不過，Charlie亦有好靜一面，例如演出話劇、彈琴等，她說：「爹哋媽咪好放手畀我試唔同嘢，但我比較偏向動嗰方面，細個嘅玩具係冇Barbie存在，全部都係玩具車、爆旋陀螺嗰啲！」
Charlie小時候眼大大勁可愛，曾被發掘做童星拍水床廣告：「當年有星探去幼稚園門口捕住，我嗰陣應該只得2歲，突然畀星探叫住，爹哋媽咪梗係把握機會畀我去試！記得拍廣告嗰陣佢哋要我扮瞓覺，但我死都唔瞓，覺得喺咁多人面前瞓覺有啲樣衰，後尾佢哋氹咗好耐我先肯扮，最後廣告都順利完成。」