暢遊新濠影滙卡通展 周家蔚家庭樂變少女

藝人洪天明昨日帶同太太周家蔚、父親洪金寶及兩名兒子到澳門新濠影滙暢玩，並與好友姚樂怡及文頌嫻三個家庭齊享天倫樂，期間眾人遊覽經典卡通人物展覽，家蔚、姚樂怡及文頌嫻的少女時代回憶即刻返晒嚟，並與小朋友分享往事，家蔚抱住細仔JT玩直播，變身少女不停High叫：「好得意呀！呢隻公仔係我細個最鍾意嘅！」JT四圍望一臉好奇，非常可愛，大仔TJ則主動指着媽咪喜歡的公仔，氹到家蔚笑晒！之後姚樂怡抱住小朋友入鏡，天明則化身攝影師為大家影相，果然是廿四孝老公！