張寶欣睇人做戲爆喊變主角
【陳永峯台北直擊】今屆準港姐前晚接受演戲訓練，劉穎敏上演救人戲時，張寶欣忽然「影后」上身，爆喊搶風頭！雷莊𠒇則上演一段誤以為當選港姐冠軍但其實「食詐胡」的戲份，但就衰唔晒成為演戲訓練最高分的佳麗。
《2017香港小姐競選》的十二位入圍佳麗繼續在台灣拍攝外景，前晚眾人接受台灣資深演員許傑輝的演戲訓練，其中劉穎敏（Angela）上演救人的心肺復甦法戲份時七情上面，居然令到張寶欣（Boanne）突然影后上身般爆喊，成功搶鏡，其他佳麗亦齊齊感染入戲上前安慰！之後張寶欣解釋：「畀Angela感動咗，完全代入咗落去，自己好感性！」至於雷莊𠒇上演一場誤以為當選港姐冠軍，但其實被頒錯獎的戲份，成為演戲訓練最高分的佳麗，她說：「冇學過演戲，但我都想做演員！」
佳麗隨時被淘汰
此外，宣萱昨日亦現身擔任嘉賓齊齊拍攝，之後會擔任決賽評判，她笑言會與佳麗齊齊減肥，笑指：「個個都減肥，搞到我都有壓力，我呢個星期減咗3磅！」眾人於晚上移師至台北小巨蛋附近，拍攝劇集《不懂撒嬌的女人》中宣萱拖狗與下屬跑步一幕，但由於颱風影響，穿上緊身運動裝的佳麗們顯得有點狼狽，劉穎敏更不慎滑倒，幸無大礙。
當中，伍樂怡與黃凱琪直言喜歡宣萱，指對方不時提點她們。另外，港姐監製陳旭亮表示還未有決定是否會於此行淘汰佳麗，要稍後再作決定。
攝：鄭家俊