張曦雯供失戀細佬讀醫有排捱

藝人張曦雯日前以Bra Top配熱褲出席活動，但不慎「穿崩」露波邊，她向東網巨星自爆獲身高6呎1吋的弟弟陪同到場：「佢啱啱大學畢業，等緊申請入醫學院，所以可以返嚟3星期。」張曦雯又表示會資助弟弟讀書，皆因覺得是不錯的投資：「佢理想係救人，成日提醒我美麗唔係永恒，佢已經同父母及我講明可能呢10年都要養佢。（負擔好大？）都係，不過我覺得係唔錯嘅投資，希望佢畢業會錫番我哋。」她又大爆弟弟剛失戀，問到會否充當媒人介紹女友給弟弟？她笑言：「我啲朋友係大姐姐，都有帶細佬出過嚟飯敍嘅，不過我哋一個似媽媽、一個似爸爸，行出街冇人估到我哋係兩姊弟。」