Aamir追夢爆肌打餐飽

《作死不離3兄弟》（Three Idiots）印度男星Aamir Khan，近日再有口碑作《打死不離3父女》（Dangal）上映，51歲的他日前接受本報電話專訪，分享拍攝辛酸史！電影改編自當地摔跤手的真人真事，拍攝前對摔跤零認知的Aamir自爆，與幾位女拍檔接受國家隊教練特訓，操足8個月，他更要於幾個月內瘋狂增磅28公斤後再勁減25公斤，演脹爆爸爸與爆肌摔跤好手，雖然幸苦，但Aamir笑指老婆個個造型都鍾意。片中飾演虎爸的他自言現實生活中全心全意支持仔女：「佢哋想做咩都可以，我唔係嚴父，我會默默支持佢哋！」