黃嘉樂遊葡萄牙以為去錯澳門

藝人黃嘉樂早前到葡萄牙為無綫新劇《溏心風暴3》拍攝外景，順道遊覽當地美景。他說：「今次去嗰邊拍外景，我以為會有好多空閒時間，但每日拍完，因為拍攝地方唔近市中心，所以冇乜機會遊覽里斯本。不過我哋拍嘢嘅地方同埋附近嘅海灘都已經好靚！我每日坐車去拍攝場地，沿途睇見啲風景，都會問點解咁靚嘅？我係咪望緊幅畫？忍唔住影咗好多相！」