許家傑奸上癮好人難做

無綫小生許家傑（Jack）近年多數被安排扮演奸角或黑幫人物，愈演愈出色獲得網民留意，但他直言曾感迷惘，懷疑自己是否個樣太奸，幸得前輩江美儀開解：「美儀姐話同一款角色都可以有唔同性格，我就嘗試從細節着手，蠱惑仔都可以係戇直、想上位或者衝動，奸都可以係好霸道、好外放，或者一個冷笑就令人心寒，所以我愈做愈上癮，幾Enjoy！我發覺演奸角冇咩限制，做好人反而有個框。」