鄺潔楹素顏日光浴曬極唔黑

憑主持旅遊節目《3日2夜》而人氣急升的鄺潔楹（Judy），被宅男封為「仙氣女神」。早前為慶祝25歲生日，她趁機出走幾日，與友人飛到泰國旅行慶生兼充電。Judy表示因7月工作檔期排到密麻麻，先後拍攝新一輯《3日2夜》及處境劇《愛．回家之開心速遞》，故早一個月已向公司請假：「我好鍾意去旅行，但冇話特別要去邊度。我鍾意去有海灘同叢林嘅地方，特別係啲島仔，今次我哋都有划艇去咗個島，好清幽、好舒服！」

變「吃貨」增磅

熱愛與陽光玩遊戲的Judy，每早都到海灘游水兼享受日光浴，但仍無損白滑肌膚：「其實我一啲都唔怕曬黑，反而最怕有雀斑，曬咗幾日其實出咗唔少，返嚟要補救一下！」她又表示在當地頓變「吃貨」，回港後努力跑步消脂：「嗰幾日放肆食咗好多嘢！可能始終去旅行，美食當前好難就住就住，一日食咗五餐！」

鄺潔楹不時上載性感相「派糧」。	鄺潔楹飲飲食食，增磅不少。	鄺潔楹坐水泡曬太陽，但肌膚仍保持白滑。

「失聯」零壓力

Judy表示今次到偏僻小島遊山玩水，初嘗沒有網絡的日子：「過咗兩、三日冇用Wifi、冇網絡嘅生活，原來係咁自由自在，完全冇壓力！」難得不用工作，她日日以素顏上陣：「淨係搽防曬、畫條眉出去曬太陽同游水，好Relax。」

文：馮雪怡