朱慧敏炮製營養炒飯 解思鄉病

《星級煮意》新一集請來Queenie下廚，示範簡單、健康又有營養的「素食炒飯」，Queenie對食落肚的食物一向有要求，除了最緊要健康外，還注重材料的均勻顏色，正所謂色、香、味，色字行頭，色彩繽紛或配搭得宜，自然胃口大增，食得更開心。

Queenie表示記憶所及，第一個課外活動就是參與小廚師班，加上留學時要自己煮食，所以入廚經驗豐富，Queenie說：「外國讀書自己煮飯多，唔煮就冇飯食，食即食麵又對身體唔好，當年成班同學仔各自煮一樣餸齊齊開party，依家工作忙比較少煮，我喺自己投資嘅冰室，做食家多過落手落腳煮，畀意見多。」

切嘢小心 寧慢咪急

講起炒飯，Queenie話有深厚感情：「今次煮炒飯因為方便快捷，家人教我煮食亦係教炒飯先，所以係拿手菜，嗰時讀書有思鄉病，掛住屋企，有啖飯食就好，好多時都係炒飯，外國多數食pizza，又落雪多，有啖飯食真係感覺好溫暖。」入廚多年，Queenie自言一向小心：「切到手嗰啲就冇試過，我真係好小心，寧願慢慢都唔好急，細個會將粗鹽當沙糖，煮番茄蛋，落少少糖就平衡到啲味，唔使咁酸，但我撈亂咗鹽，經一事長一智，每次落白糖同鹽，我都會試一試先。」

朱慧敏準備好材料，並將蛋打勻。	朱慧敏愛下廚，切番茄和炒飯絕對難不倒她。	放大圖片

椰香黃薑飯 啱素食者

烹飪導師Polly大讚Queenie的炒飯色香味齊全，對於素食人士，Polly示範另一款同樣簡單又容易做的「椰香黃薑飯」，以椰子汁爆香材料，再炒一炒米，再加入椰汁及黃薑粉放入電飯煲，做出來的飯多了一點層次感，十分醒胃。

烹飪導師Polly（右）即席示範「椰香黃薑飯」給素食者。

放大圖片

《星級煮意》邀得陶大宇、黃健東、杜汶澤、陳嘉桓、陸浩明情侶檔、陳嘉佳等亮相，其他名人藝人陸續接力，各人示範不同菜式，又有專家提供煮食要訣，娛樂與資訊並重，節目逢星期四更新，大家可透過東網App或東網網頁收看。

https://goo.gl/zMtvTq

文：名人組