林作呻財困剪頭髮都慳
林作、林子祥及9歲的譚芷昀（Celine）等前晚出席慈善晚宴。林作受訪時笑言自己來「戥腳」跟演員交流，至於識女仔的成績就要等離場作賽後報告。問到有否看麥明詩有份演出的劇集？他說：「我好多年冇睇電視。（送你本教人追女仔嘅書畀佢？）我同出版商拗緊，佢話最多畀七折我。」他再次訴說財困，已兩個月碌爆卡，更捨不得剪頭髮。
另外，麥明詩昨日到灣仔書展出席活動時被問到有否支持林作出書，她說：「睇過吓，初稿我有畀意見。（覺唔覺內容熟悉？）熟悉，因為我有畀意見。（係咪用嗰啲招數追你？）唔清楚對象，費事諗係邊個。（佢話畀最愛嘅人？）我諗係畀佢婆婆。」
