鄧詠雪搵錯救兵被寸iPad胸
首次參與寫真戰的鄧詠雪請來一班好姊妹到書展撐場宣傳其寫真集，豈料慘被同場的35E莊端兒搶「峰頭」，更令其A Cup身材成為話題，皆因二人身形視覺對比超強烈！
前女子組合HunterZ成員鄧詠雪（雪子）昨日到書展宣傳寫真集，請來好姊妹包括前隊員陳蕊蕊、莊端兒及趙哲妤等撐場，但穿白Tee的莊端兒難掩35E「峰芒」，與穿背心的寫真主角雪子的A Cup身材形成強烈對比，撐場變「踩場」！
雪子與莊端兒齊齊受訪時，問到是否帶姊妹力抗有大批外籍保鏢護駕的「AV女」麥紫莉？雪子笑說：「係呀，姊妹更強大！」莊端兒則說：「姊妹靚啲、着衫都襯啲！」雪子透露新書以美人魚為主題：「細個鍾意游水、搬屋都一定要有浴缸，之前去唔同地方旅行，想介紹畀大家。（寫真有冇大膽相？）我大膽都冇人想睇啦。」
問莊端兒會否想再出寫真？她說：「舊年出咗，應該唔會再出，但依家狀態比舊年弗，可能做咗割膽手術瘦咗，想雪子教我做美人魚。」
試勻豐胸方法冇效
二人身材對比強烈，問會否合作出寫真？雪子自嘲說：「凹凸配喎！（試過豐胸？）試過食木瓜、搽豐胸膏，但零作用。」對於上圍成對比，她說：「我都叮囑姊妹唔好着露胸衫！」莊端兒聞言即說：「交換着都好大對比！3D VS iPad呀！」說畢她即一臉尷尬改口說：「3D VS 2D先啱！雪子係賣長腿，雖然今日包實晒！」
文：影視組