洪卓立北上唱K比堅尼女坐大髀
歌手洪卓立昨日到電台宣傳新歌《閃先》，新歌講述不煙不酒的男仔去到人多嘈吵的地方，受到很多引誘，但最後因屋企來電而「閃先」。他分享現實中試過類似情況，入行前他從事地產行業，有次老闆帶他們去深圳食飯慶功，食完再帶他們唱K，但坐低不夠30秒，即有一班穿Bikini的女仔進來，有個更坐在他大腿上，嚇到他很驚：「即刻彈起衝出去，冷靜完入返去同老闆講唔舒服走先，然後自己返咗香港。」
另外，他透露下月將到台灣拍攝內地網劇，班底與他多年前拍台劇一樣，但當時他因患上肺積水而不辭而別，故今次很開心能再跟他們合作，問他可會有陰影？他謂以為自己沒有，但原來都有些，故今次不能再不睡覺。