梁烈唯當黑座駕捱撞傷腰頸停工
梁烈唯前日不幸發生車禍受傷，因前車突然急煞，而尾隨車輛收掣不及撞向其座駕尾部。唯唯拉傷頸及腰部需停工休息，同日其愛犬亦因病入深切治療部，認真禍不單行！
無綫藝員梁烈唯（唯唯）前日傍晚時分於將軍澳電視廣播城收工，駕車途經環保大道時不幸發生交通意外，醫護人員接報到場，唯唯的頸及腰部拉傷，被送到醫院檢查及照X光，幸無大礙，他亦已出院返家，但現正為邵氏網劇《飛虎極戰》忙於拍攝的他需停工休息。
戴頸箍報平安
唯唯事後上載戴着頸箍的受傷照，以及座駕被撞後的照片，對於多方好友被嚇親，他坦言不好意思，更指其車尾要大修，撞向他的後車車頭亦嚴重損毀，幸雙方都沒有大礙。唯唯昨日接受訪問時說：「當時撞力都大，自己拉傷頸，Chok親條腰，情況唔算好嚴重，發生呢啲事都會有呢啲反應。當救護員到場，佢哋唔知咩情況下，為安全起見，一定落保護頸、腰嘅裝置。」
留家休息兩日
唯唯稱今次意外發生得太突然，雙方都沒大礙可算非常好彩，亦很感恩，問到可有影響工作？他說：「拍緊《飛虎極戰》，佢哋知我發生小意外都好緊張，呢幾日都冇安排我開工，但有其他嘢要做，我喺屋企休息兩日，都會如常工作，大家唔使擔心！」而唯唯向來視如兒子的愛犬KOKO，因健康問題要在深切治療部留醫和住氧氣箱，令唯唯十分心痛。
文：影視組