許志安操肌唔怕不舉
歌手許志安、王灝兒（JW）、樂隊組合Supper Moment、觸執毛和雞蛋蒸肉餅，昨日出席由大家樂贊助的《大家樂壇2017》開壇大典活動。JW除參與音樂會外，亦會與歌手吳業坤合作開騷，問到工作繁忙會否冇時間見男友？JW說：「呢排好忙，所以少見佢，屋企人都少見咗。（男友冇詐型？）冇，反而家姐有投訴。」問到JW現階段是否與男友同居？她說：「唔係，只係我有時做嘢做到好晏，之後見埋佢先再返屋企。」
許志安表示今次有機會與不同樂隊組合合作感到開心。講到8月12日生日，問他想收甚麼禮物？許志安說：「生日禮物想操好啲個身形，我上星期特登搵健身教練操，但可能太劇烈，隻手攰到伸唔直。（會唔會不舉？）舉到隻手嘅，呢幾日都可以排到舞。（想操到咩身形？）因為覺得自己太瘦，所以想有胸肌同埋有六舊腹肌。（演唱會晒爆肌？）會着吓背心嘅。」
另外，許志安日前接受傅家俊在ViuTV的節目訪問，他透露為慳錢，平常多數與張衞健及蘇志威打桌球，避免與技術了得的郭富城及張智霖篤波，免得要付場租費。