宣萱中流感燒足11日落唔到床
藝人宣萱（Jessica）昨日和新鴻基地產（中國）董事馮秀炎在大埔超級城出席「新地夏日冰涼雪糕節」活動。Jessica以一身黑色超薄開衩裙晒香肩亮相，但原來她是冒住再冷親的風險、聲沙沙到場。她受訪時透露，早前中招感染流感，病了足足三個星期：「當中仲要有11日係發燒發到落唔到床，搞到瘦咗五磅！」
破戒食牛
Jessica趁身體逐漸康復，即與方中信及莫可欣一家三口聯同鮑起靜飛往台灣吃喝玩樂三日，期間戒了兩年牛肉的她抵受不住誘惑，又說：「同埋第一次一個人拖住個九歲大嘅細路女（方中信女兒）行書店，行咗三個幾鐘，佢個女好乖，我唔係好識湊小朋友，但佢係另類，人夾人。」
冇得雪卵
問到會否因湊完細路女而萌生組織家庭的想法？Jessica坦言要結婚後才會生B：「遇唔到對象嘅話係唔會生。（雪定卵？）有朋友都幫我問過，怕我遲婚，原來香港雪卵係唔合法，要結咗婚先。（去台灣有冇艷遇？）見唔到彭于晏！（見過真人未？）之前喺首映見過真人，高大靚仔又健康！（鍾意小鮮肉？）睇吓啫！」
文：影視組