蔡一智獲索女送酒壯腰補氣

組合草蜢昨日出席演唱會記者會,成員蔡一智早前為林敏驄演唱會綵排時,因塌台令尾龍骨骨裂及肋骨移位,席上獲靚女送酒「補腰」的他坦言沒留陰影,笑言今次會加更多機關:「我專業嘅!」

草蜢將於11月5至8日假紅館舉行一連四場《LIVE GOES ON草蜢世界巡迴演唱會2017》,昨日三子西裝骨骨出席記者會,獲天后容祖兒、楊千嬅、周杰倫及中國女子排球隊等拍片祝賀。成員蔡一傑(阿傑)獲「鐵粉」電台主持人阮小儀現身站台,兩人更即場咀嘴!而早前因塌台導致尾龍骨骨裂及肋骨移位的蔡一智(阿智),則獲性感女舞蹈員送上「行氣活血」香檳,搞鬼的阿傑與蘇志威一唱一和說:「一支用嚟補腰、一支用嚟補氣、一支用嚟補身。」

蔡一傑籲準時入場

問到今次舞台會否減少機關以防意外?阿智說:「唔會!反而要再多啲。」身旁的阿傑表示會做足安全措施,阿智則指大家都是專業歌手:「好多人擔心我,驚我有陰影,其實我冇陰影!我專業嘅!(傷患好得七七八八?)好好多喇。」隨即透露過兩日會到新加坡開騷:「8月又喺加拿大開兩場騷,去到11月應該冇事。」

草蜢又表示今次個唱以時間作為主題,呼籲歌迷準時入場,阿傑說:「因為歌單實在太長,唔想超時令老闆罰錢,總之我哋8點15分準時開騷,唔等人!遲入場就自己蝕底。(你哋三個夾罰款?)點解要我畀?所有人都有責任。」問到是否不打算請嘉賓?阿傑說:「睇我哋就得啦!」

文:音樂組