被爆手背有疤譚嘉儀：縫咗七針！
歌手譚嘉儀（Kayee）昨日被讀者爆料指她在其熱爆歌《陪着你走》MV中，左手拇指及食指之間的手背有一條疤痕，令人聯想到跟曾傳割脈自殺的同門何雁詩左手上的傷疤一樣，隱藏着一個不可告人的秘密。
昨日Kayee在電話中哈哈大笑，先多謝外界關心她，指手上的疤痕是發生意外所致：「大家想像力實在太豐富，嗰條疤痕係我10歲嗰年，有日打10號風球，以前屋企有道玻璃門，因為太大風，啲風吹到道門閂咗，我諗住過去推番開道門時，點知上面啲玻璃爛咗仲冧落嚟，我隻手就咁被割走咗一忽肉，嗰日要立即入醫院縫咗七針。」問到可有考慮激光去疤？她覺得無需要，因為沒有影響生活。
