王麗嘉瞞住爸爸行內衣騷
藝人王敏德與名模馬詩慧（Janet）的二女王麗嘉昨日為內衣品牌行騷，首次行內衣騷的她，坦言爸爸並不知道。問到經常放性感相上網，父母有沒有意見？她說：「媽咪冇，仲好鍾意添！爸爸比較保守，因為我係佢個女，想保護我。（咩方法去打破爸爸保守？）繼續post！post得多就慣！」她自言性感底線是透點，但不會在香港做，又指媽媽跟她連成一線「對付」爸爸。
另一邊廂，馬詩慧與大女王曼喜（Kayla）出席活動，對於早前王敏德表示要開家庭會議，馬詩慧說：「家庭內部嘢好易解決，我覺得冇問題，爸爸可能緊張啲，咁佢叫啲女開，我又加把嘴埋去，會議變紛爭就唔係幾好。」談到對王麗嘉男友的印象，她說：「我不嬲都ok，係最易話為，佢哋鍾意就得。」而昨日生日的Kayla表示上星期日晚與家人食飯慶祝，收到父母送的大禮。
