泳兒皮膚敏感照鏡發忟憎

歌手泳兒昨日到電台受訪時戴黑超遮素顏，大呻已受皮膚敏感困擾三個多月：「之前不停搽類固醇，搽完係即刻好，但好驚要還，所以冇再搽，依家睇中醫同針灸調理身體。（其實係咩事？）唔同醫生講唔同嘢，有啲話風疹、濕疹、玫瑰痤瘡，中醫又話濕熱。」並坦言心情因此受影響：「每朝照鏡影響心情。（忟憎？）係呀，尤其夜晚瞓唔到會忟憎，但同自己講心靜自然涼。（發洩喺男友身上？）佢已經慣咗，佢會話好快好番，冇乜嘢。」