周沂燒銀紙做歌：就嚟要瞓街！
唱作女歌手周沂（Stella）第一首派台作品刻意揀選英文歌《Black Hole》響頭炮，她笑說：「係咪好大膽？好有型呢？」她坦言想有逆向操作的效果，即將推出第二首是國語歌，曾到過很多國家流浪的她說得一口流利英語和國語，她說：「我好想樂迷聽到我啲歌會諗我究竟係外國人？定大陸、台灣人？呢個時候我會出首廣東歌，原來我係百分百香港人。」
周沂的《Black Hole》邀得曾與吳建豪、蕭亞軒合作的hip hop牧師Jaeson Ma幫她Rap了一段，她很感謝對方義助，感覺似冥冥中的注定。周沂曾在2010年「CASH流行曲創作大賽」演繹好友填詞的作品贏得冠軍，事隔7年才出道，成立自己的音樂製作公司，自資做歌的她笑說：「燒銀紙燒到我就嚟要瞓街！幸運地之前自己做生意，燒我以前賺嗰啲錢囉，預咗係冇得回本，要本住對音樂嘅熱誠，為佢奉獻咁。」她是以填詞人身份出身的女製作人，最終目標是做一個全方位製作人。
攝：張福宏
場地：Fifth Salon