陳庭欣踩場 走音甩Beat

無綫藝員陳庭欣、翟威廉、周志康、何廣沛、梁麗翹、黎振燁、鍾君揚及麥凱程，昨日到鑽石山出席明珠台Amazing Summer節目《男子漢大丈夫》記者會。翟威廉最近頻頻與周志文、周志康及劉佩玥等在無綫big big channel開Live自彈自唱，他開設的《Happy Live》大受歡迎，吸引數千人觀看。

講明唔使練歌

緋聞男女翟威廉與陳庭欣孖住受訪，問到是否打算闖樂壇？翟威廉笑說：「其實我喺裏面係冇唱歌，打入樂壇就要靠周志文、周志康，開呢個Happy Live其實想好Hea咁玩吓、唱吓歌，我哋請嘉賓講明唔使練歌、冇壓力嘅！」問到陳庭欣何時做嘉賓？她笑說：「前幾日咪上咗去，順便幫《踩過界》宣傳，唱到走晒音，遲咗幾拍入都冇人理，哈哈！」

翟威廉	陳庭欣（右二）及梁麗翹由一眾猛男抬起，似足女王出巡！

考潛水牌搵命博

提到新節目《男子漢大丈夫》介紹各地成人禮習俗，兩人可記得當年怎樣度過18歲生日？他們表示印象最深刻是領取成人身份證，即將踏入30歲的陳庭欣又笑說：「我都就嚟『29+1』，依家安排緊慶祝，可能會開Live直播，希望可以Keep住身形，結婚生仔就冇諗喎！」她又透露將到斐濟拍攝節目《3日2夜》並逗留10天，為此預先在港考潛水牌：「考牌都好大挑戰，自己唔熟水性，所以都幾高危，要加緊訓練！」

文：影視組