劉心悠晒線怕醜！
藝人劉心悠與王宗堯前晚出席品牌活動，一向密實的心悠竟然大晒香肩兼露事業線，受訪時她怕醜地以手遮胸，首次如此性感的她笑言已是性感底線。心悠已拍畢無綫劇集《宮心計2深宮計》，因拍劇時不時食消夜，表示要積極操Fit，談到最喜歡的運動員，她透露是美籍華裔球星林書豪，不過做男友就太高：「好似棵樹咁！不過，可以堅持一樣運動嘅人好吸引。（追你都要堅持？）追我嘅我就會走，唔使追，有緣分就會一齊。」
王宗堯則自爆早前踢波與女演員蔣祖曼的老公爭波頭撞頭，當時半邊臉腫到「豬頭咁」：「當時斷咗片，短暫失去記憶，聽游學修講，話我撞完之後流口水，對眼冇焦點，好彩冇失禁啫！後尾拍戲都要靠化妝去遮。」事後他沒有到醫院檢查，笑言是「賤骨頭」：「試過打拳打到對手要睇跌打，自己就眼球爆微絲血管，原來我有隔山打牛之力。」
