江若琳開騷點男友送外賣

歌手江若琳（Elanne）、陳明(喜心)及Dear Jane昨日到電台出席《有聲好書》活動，Elanne透露9月會在九展舉行演唱會，嘉賓方面想搵2007年同屆新人，亦希望邀請女神周慧敏。談及男友蕭潤邦（Oscar）同是2007年新人，她笑說：「佢嚟送外賣啦！送我(口既)午餐、晚餐，餵飽工作人員。（唔做嘉賓？）佢依家好薄皮，驚鏡頭，唱歌會手騰腳震。」她坦言今次開騷及出碟，自己有投資6位數字，問男友是否包起很多飛？她說：「佢會包起(口的)親戚朋友嚟睇。（見埋家長？）見咗好耐啦！」談及結婚，之前Oscar揚言「38歲前會做嘢」，她笑說：「睇吓佢做咩先。（有結婚計劃？）女仔一定有，但我哋啱啱一齊，唔好咁Chur，揀得對方就覺得佢係啱(口既)人，想一齊行到最後。」