翁嘉穗法國遇「魔頭」 攞膽合照

盛裝打扮的翁嘉穗，遠赴法國出席私人晚宴。

而她還在下榻酒店的電梯中巧遇「潮流教主」安娜溫圖爾（Anna Wintour），她說：「之前喺Spa撞過一次，但冇特別傾偈，之後再喺升降機撞到，因為空間細而傾咗陣偈，最尾都有問可唔可以合照，佢好Nice。」由於安娜有「時尚女魔頭」外號，翁嘉穗笑言起初都感擔心，但其後發現對方跟電影中影射的形象不同：「佢真人真係好Nice，仲同我哋笑，如果佢唔笑，唔同我哋Hi，我哋都唔敢同佢傾偈。」

適逢此行撞正巴黎高訂時裝周，不少品牌邀請她睇騷，但由於太疲累，她只睇了其中一個時裝騷，同場還有韓星孔孝真及內地女星章子怡等嘉賓。

翁嘉穗（左二）睇時裝騷時，與韓星孔孝真（右一）等喜相逢。	翁嘉穗在電梯中偶遇「女魔頭」安娜（中），偕詹劍崙太太李凱琪（左）一同合照。	性感模特兒令翁嘉穗留下深刻印象。