《星級煮意》：陳意嵐齋煮唔食劏完蟹祈禱

《星級煮意~鍾菜．鍾廚》今集請來藝人陳意嵐（Tarah）教大家炮製「泰式粉絲蟹煲」，她表示此菜式美味又易煮，唯獨劏蟹有難度：「第一次整時狂嗌，因為插住隻蟹個心，好殘忍！」

Tarah建議可在街市買冰鮮蟹，但海產食材最好要新鮮，她寧願面對「恐懼」：「我係咁話『Please die，so sorry！』每次整完會祈禱，希望隻蟹下世冇咁痛苦。」問到「泰式粉絲蟹煲」是否其至愛菜式？Tarah竟「只煮不食」：「一來殘忍，二來唔食辣，會試味，因為屋企人鍾意食。」

推薦泰國粉絲

Tarah還向大家送小貼士：「我推介大家買泰國品牌黃色粉絲，口感更佳。至於蟹嘅數量因人數而定，想方便啲可去街市買8至10隻蟹腳。」

邦師傅向《星級煮意》主持Sara示範劏蟹。	陳意嵐每次劏蟹會祈禱，希望隻蟹下世冇咁痛苦。	泰式粉絲蟹煲

Tarah 17歲讀大學時離家獨居，因而累積多年煮食經驗，她認為一位好女友要識煮餸：「鍾意一個人會想煮飯畀佢食，但好少地方可學煮中菜。學中菜動力係我阿姨鍾意煲花膠湯，不過買料咁貴，自己擔心煲得唔好飲會好嘥。」

「鍾菜．鍾廚」的邦師傅亦傳授入廚小秘訣，如想粉絲口感更好，可用上湯加大地魚粉煨粉絲，煮的過程中加入生抽、老抽、鹽及糖等調味。

想知道陳意嵐及其他藝人的廚藝如何？記得鎖定東網App及東網網頁，《星級煮意》逢周一、四更新，大家可隨時收看及重溫。

文：專案組

https://goo.gl/DxkrTR

場地：鍾菜 九龍灣宏遠街一號「一號九龍」G01舖