阿嬌大肚！向Chilam取經

藝人張智霖（Chilam）、鍾欣潼（阿嬌）與梅婷為真人真事改編的驚慄電影《京城81號II》四出宣傳，近日他們在北京舉行記者會，阿嬌身穿吊帶低胸裙，索盡全場！她在片中首度飾演大肚婆，現實中冇懷孕經驗的她，拍攝前做足資料搜集，甚至連對手Chilam都唔放過，追問其太太袁詠儀懷孕時的表現及肢體動作，令Chilam哭笑不得！Chilam說：「我咪又係同佢一樣冇大過肚！所以都係講啲阿靚（袁詠儀）好明顯嘅表現畀佢知。」阿嬌則坦言分娩戲最難忘：「現場十幾人圍住我，全部都係男人，起初真係唔識做反應，後來發現大家目標好一致，想快收工，所以我好快就生咗！哈哈！」