克勤紅館外出波驚動警察

李克勤假紅館舉行的《李克勤慶祝成立30週年演唱會》門票火速售罄，有門票被炒至千元一張，為安撫撲不到飛的歌迷及抗黃牛，昨日他宣布第三度加場，加開9月3日一場，即由9月3日至10日共8場，更推出1萬張門票公開發售，希望更多歌迷用正價買得心頭好！

克勤日前到紅館外拍攝加場宣傳片時，手執近百個黃色氫氣球，重演29年前的《夏日之神話》大碟封套照，他說：「感覺好似尋日嘅事，當年同依家一樣咁熱，不過嗰次喺荒島拍，今次喺紅館，影完相之後，會帶啲氫氣球返屋企畀仔玩。」不過當工作人員運氫氣球到紅館外時，有數名警員上前了解，並抄下他們的身份證，克勤見狀即落車打招呼，據警員稱紅館有不能放氫氣球的高空管制，擔心工作人員放氫氣球才登記資料，幸好經了解後可繼續拍攝。

萬張門票抗炒風

昨日克勤到電台受訪時被問及此事，他說：「隧道好多管制，本來諗咗好多嘢，例如喺廣告牌吊嘢落嚟。嗰度好多巴士經過，我哋啲氫氣球都（畀人）千叮萬囑唔好吹走，驚遮住巴士（司機視線）。」他又自言是貼地歌手，推出1萬張門票是回應歌迷訴求，連內部認購都沒有，並笑說：「大家7月4日早啲起身排隊或上網撳，唔好買黃牛飛！」至於可會再加場？他說：「紅館嘅期用盡，睇吓可唔可以同之後開騷嘅歌手傾。」

此外，談及前一晚與譚詠麟（校長）前後腳在內地演出，當他唱完後，校長上台即下起傾盆大雨，搞到變「落湯雞」，克勤笑說：「校長認為用雨傘效果唔好，見佢個頭塌晒，好辛苦！」

文：音樂組