秋生林海峰舞台揭圈中百態

藝人黃秋生、林海峰及舞台劇演員韋羅莎昨午出席英皇娛樂有份投資舞台劇《搞大電影》記者會，席間頒發多個「獎項」如「秋生成就獎」等，十分搞笑，大會更即場宣布加開3場共13場，演出日期由9月1日至15日（中間有休場），秋生說：「咁嘅卡士，掉番轉到31場都得啦！」林海峰承諾稍後可以開Part 2。

二人受訪時談到《搞》劇內飾演推銷電影劇本的人，見盡圈中人生百態，可擔心被指影射其他圈中人？林海峰即笑指秋生：「唔係影射，係『直射』！」秋生指劇本改編自外國，加入香港術語：「但冇開（人）名o架，都係講人嘅處事方法，我幾十年唔可以話見盡（人生百態），但都七七八八嘞。」並指今次對白瑣碎兼難記，當中林海峰其中一幕戲要挑戰二、三十頁劇本，笑言只記得演出地點！秋生即說：「咁我多樣嘢記得，因為演出期間係我生日。」原來9月2日是秋生56歲生日，要在舞台工作中度過。