馬詩慧力撐：連我最親嘅人都咁做！

William與圈中不少模特兒相熟，其中名模Rosemary更是他由細睇到大，而名模馬詩慧和模特兒陳祉妤亦與他相識，馬詩慧說：「連我最親嘅人（長女王曼喜）都咁做，佢點解唔可以？最緊要自己鍾意，雙方可以開心一齊，出唔出櫃唔係一定需要講，佢以前係唔刻意講，係公開嘅秘密。（覺唔覺得佢哋閃訂婚？）如果想結就結埋佢算。（發覺圈中愈來愈多同性公開感情？）依家資訊發達，好多國家都認受，甚至合法，呢個係其中一個原因，令更多人企出嚟承認，至於唔認嘅，可能有自己嘅問題同苦衷，所以當佢搵到自己鍾意嘅另一半，好戥佢開心。」