憶入廚瘀事：個鑊想爆炸！ 葉芷如菜脯炒蛋考火喉

Lemon出道時間尚淺，已獲賞識擔正電影女主角，於新片《我們的6E班》中與一班好戲之人合作。現實生活中，原來她是煮食高手，拿手菜係「可樂雞翼」！而今次為東網巨星節目《星級煮意~鍾菜．鍾廚》任嘉賓，Lemon決定挑戰自己，炮製一味「韭菜菜脯炒蛋」，別以為炒蛋好簡單，要炒得靚，真係要有番咁上下工夫！

攞家政科第一名

拍攝時，Lemon先處理菜脯及韭菜，貪靚的她喜歡將這兩種食材打斜切，務求賣相更佳，之後到「戲肉」炒蛋，先將菜脯及韭菜用油炒香，然後落蛋，秘訣是要猛火落蛋，然後收慢火，慢慢炒，令蛋保持嫩滑。

談到煮食趣事，原來Lemon自小鑽研廚藝，源於一次家政堂的失誤，她說：「記得有次我上學校嘅家政堂，煮可樂雞翼，唔知係咪當時火太猛，我一倒啲可樂落鑊度，個鑊好似想爆炸咁，嚇到大家都呆咗，我亦覺得自己好瘀，就係咁，我決定努力去學習整呢味餸，之後仲攞咗家政科第一名。」

葉芷如先將菜脯及韭菜炒香，再猛火落蛋。

葉芷如鍾意把食材打斜切，令賣相更佳。

邦師傅教白鑊烘菜脯仲正

「鍾菜．鍾廚」的邦師傅就話，烘菜脯其實唔需要落油，用白鑊烘乾，可以令菜脯更爽口，如果想每一啖都有韭菜同菜脯，可以將韭菜及菜脯等材料混合後才煎。

《星級煮意》每集均由藝人展示廚藝，包括陶大宇、陳嘉桓、杜汶澤、周嘉莉及陸浩明與陳詩欣情侶檔等，節目逢周一及周四更新，大家可透過東網App及東網網頁隨時收看及重溫。

邦師傅教大家點樣烘爽口菜脯。

葉芷如炮製的「韭菜菜脯炒蛋」，賣相不俗。

https://goo.gl/mofM3M

文：影視組

場地：鍾菜 九龍灣宏遠街一號「一號九龍」G01舖