祖兒着高踭變巨人林峯嬲嬲嗌絕交

祖兒昨日出席活動時穿短裙襯高踭鞋，只招待穿高踭鞋的女士到場，連擔任司儀的區永權都穿上5吋黃色高踭鞋出場，笑言是人生首次着高踭鞋上台！祖兒其後行Catwalk進場，指高踭鞋為她添加自信及存在價值，又帶了3對高踭鞋到場分享小故事，其中一對銀色靴陪她在演唱會跳了17場舞，她笑說：「雖然呢個『一碌踭』唔高，但就好重，每晚跳完返屋企都要按摩，紓緩番對腳！」

她又自爆要靚唔要命，但因林峯的一句說話令她有所反省：「嗰次我着咗一對好高嘅高踭鞋企阿峯隔籬，佢話唔同我做朋友啦，話我太高，成個巨人咁，唔合比例！之後我有返屋企諗佢講嘅嘢，係咪着高踭鞋去到入魔嘅程度？需要拉近番距離、貼地啲？所以依家都着番少兩吋。」

今年6月16日是祖兒的37歲生日，她獲大會送上蛋糕預祝，問到當日如何慶祝？她說：「仲未有約喎！（有人送驚喜？）唔知喎，應該都係食飯。（唔使開工？）應該唔使，會放幾日假。（你係一姐，公司自動識做放你假？）唔好講呢啲，係做咗10年以上嘅員工福利啫！」記者提議她與男友劉浩龍即興旅行，她笑說：「到時睇吓Timing啱唔啱啦！」

祖兒帶埋靚鞋分享小故事，手上呢對銀靴是她的最愛之一。	大會準備蛋糕，為祖兒預祝生日。	祖兒與林峯曾因一對高踭鞋而險些絕交！

恨拍劇又驚禁播

問到生日願望，祖兒坦言除了身體健康外，亦希望有機會到內地拍劇：「內地啲劇集製作愈來愈好，有機會都想試吓。（古裝？）一定唔可以古裝，我個樣咁諧趣，拍出嚟以為係穿越片變咗詭異劇，內地唔拍得呢啲題材，所以我拍古裝怕被禁呀！」提到謝霆鋒送8,500萬淺水灣豪宅給父親謝賢，她可有興趣入市？她說：「霆鋒係乖仔，下次要買埋畀媽媽。但我唔買啦，置業投資都要時間管理，我又唔識，媽咪嘅精神狀態都唔適合再增添呢個煩惱。」

文：音樂組

攝：鄭家俊