30歲欣宜蛋糕打孖上
演員周秀娜、鄭欣宜、蔡瀚億及楊尚斌主演的電影《29+1》前晚在尖沙咀為電影慶功，電影於今日全國公映，眾演員上月30日拉隊到東莞一個廣場宣傳，吸引過千市民圍觀。剛巧當日是欣宜30歲生日，台上準備蛋糕為她慶生。
眾演員返酒店休息，沒料導演彭秀慧為欣宜送上神秘生日派對，周秀娜和蔡瀚億推住餐車送上生日蛋糕及香檳，兼大唱生日歌祝賀，欣宜許願說：「祝我認識嘅各位身體健康，每日都要愉快，《29+1》票房大賣，同埋快啲搵到個真命天子！」
周秀娜笑說：「感覺好飽，食咗好多蛋糕，冇諗過時間夾到咁好，會喺東莞咁齊人同Joyce慶祝生日，今個生日佢啱啱29+1，做緊跑戲院，同觀眾一齊過生日，我覺得好難忘，我哋兩個嘅29+1都橫跨呢部戲。」蔡瀚億說：「呢排導演連續慶生，大家一齊慶祝好開心，總括呢個旅程係好多蛋糕。」