羅渣摩亞蜚聲國際，並先後跟不少港星合作，成龍首部進軍荷里活的電影《The Cannonball Run》（《炮彈飛車》）就是和他合作，而比成龍更先跟羅渣摩亞合作的港星就是武打女星元秋！1973年元秋曾參演電影《鐵金剛大戰金槍客》（The Man with the Golden Gun》飾演女學生，對於一代占士邦逝世，元秋昨日在電話中表示惋惜。
談及當年合作點滴，元秋讚不絕口：「我同佢未拍戲之前都要練一個星期身手，佢好好，一啲架子都冇，我哋想同佢合照，佢二話不說攬住大家影，好nice！（佢身手如何？）當年外國人打功夫，都唔會話對佢哋要求咁多，都唔錯嘅！」
至於七十年代開始竄紅的成龍，靈活身手令荷里活影圈驚嘆，並於1981年首闖荷里活，跟羅渣摩亞、花拉科茜及許冠文合演《炮》片，但票房則屬一般！而生前熱心慈善的羅渣也曾跟慈善活動代言人黎明有緣碰面！此外，有「泰國通」之稱的胡慧沖亦是羅渣的粉絲，更因偶像而將英文名取為Roger。胡慧沖接受電話訪問時一度哽咽：「羅渣摩亞對於我嚟講係一個最有型、最突出嘅占士邦，用佢獨有嘅方法去演繹。」