江若琳Oscar旅行：做情侶會做嘅嘢

歌手江若琳（Elanne）上月底與「生煎包王」蕭潤邦（Oscar）於網誌上載背影合照公開戀情，成功做「生煎包嫂」的Elanne昨日與湯寶如（湯記）、鄭俊弘、陳明恩等出席「耆英饑饉8小時」活動，春風滿面的Elanne被問到不時於網誌放閃？她冧滋滋說：「十年先第一次，由我啦！忍吓！」有指二人已同居？不懂講大話的Elanne口窒窒：「唔係，係爭取見面。（過夜？）爭取時間見面，唔好咁污穢。」隨即哀求記者不要追問。她又承認已見雙方家長，父母讚男友好，問到男友是否行未來外母政策？Elanne甜笑說：「冇咁進取。」隨即又傻更更自爆日前母親節時與男友外遊，問到有否「小心」行事？她說：「唔會啦！（好安全？）救命，我哋好健康，食早餐、曬太陽、行街，做情侶會做嘅嘢。」