宣萱恨古天樂回巢合作

近日憑劇集《不懂撒嬌的女人》人氣急升的宣萱，昨日與傅家俊等出席好友、「港產陀飛輪」萬希泉創辦人沈慧林（William）的《創業夢飛輪》發布會。問到酬勞是否幾級跳？她笑說：「我呢啲海鮮價，加番少少啦！」談到無綫近日廣邀舊將回巢拍劇，宣萱坦言若非《不》劇的製作模式，便不會考慮再拍，至於最想跟哪位舊拍檔合作？她笑說：「冇可能o架喇！古仔囉（古天樂）！（佢依家拍電影搵 錢？）如果佢知道依家有得瞓可能會考慮，佢最怕冇得瞓。（叫佢開戲畀你咪可以一齊合作？）我諗佢都會搵啲後生嘅，但如果真係啱都會拍。」