張兆輝教仔3招防恐

近年不少香港藝人會送子女到英國留學，對於周一晚美國女歌手Ariana Grande在英國曼徹斯特舉行完演唱會時，發生爆炸恐襲事件，「震動」了這批星級家長，大家都擔心不已！

聞訊大吃一驚

藝人張兆輝的17歲兒子張卓鏗目前身在英國約克郡讀高中，12歲的女兒張卓姿明年亦將到英國升學，張兆輝昨日受訪時透露，兒子就讀的高中距離事發地點只有約一個小時車程，昨日凌晨時分兒子就將爆炸事件的新聞及影片轉發到他們的家庭群組中，大家早上起床後看到新聞都大吃一驚：「好彩佢唔鍾意睇演唱會，淨係睇波，但依家都唔會畀佢去人多嘅地方。」又指已教兒子一些防恐意識：「可能係校到最遲一刻先上火車，唔好逗留喺太多人集中嘅地方，同埋叫佢留意左右隔籬，有冇啲可疑、無人認領嘅袋，真係防人之心不可無，就算唔係炸彈都當咗佢係先啦，總之唔好掛住睇手機，要留意周邊事情！」在倫敦有物業的他，不擔心此事會影響樓價：「我買嘅時候個英鎊匯率好低，個樓價跌多10%都可以接受。」

Ariana Grande在英國曼徹斯特的演唱會遭炸彈恐襲，造成嚴重傷亡！	四太梁安琪為身在英國讀書的女兒何超欣報平安。	森美未有因恐襲事件而取消大仔到英國升學。

森美仔將赴英

DJ森美曾表示9月將送15歲的大仔到英國升學，昨日他受訪時坦言有點擔心：「但小朋友讀書都係學校區，我諗應該比較安全嘅，到時叫佢去到英國，逗留喺學校為主，放假都盡量返香港，唔好四圍去玩。」他反而更擔心下星期去黑池參加跳舞比賽的父母。而現年17歲的賭王何鴻燊四房千金何超欣亦正在英國讀書，四太梁安琪昨日代女兒報平安說：「佢唔會去呢啲地方，佢學校係寄宿嘅，佢唔會出外邊。（你有冇擔心？）當然要小心、留意，同埋要少啲去人多地方。」

藝人陳庭欣曾就讀於曼徹斯特大學，她昨日亦緊貼《東網》的即時新聞留意最新情況，並在社交網留言，表示自己曾在事發地點睇過演出，對是次襲擊感憤怒及傷心，幸好當地的朋友都平安無事，希望死傷者的親友能早日走出陰霾。另外，創作歌手黃千庭日前亦身處當地觀看曼聯足球隊的煞科戰，昨日他在社交網報平安，表示周一下午已離開了曼城，到倫敦繼續行程。

文：音樂組