陳展鵬完騷速撇丟低單文柔

在昨日的發布會上,一眾緋聞情侶中以馬國明及黃心穎最為大方,兩人孖住受訪,而袁偉豪及岑杏賢分手後同場零交流,熱戀中的歐陽巧瑩及林師傑亦「離行離列」。記者事前透過公關通知,表示希望邀單文柔與陳展鵬齊齊受訪,但遭拒絕,完成活動後,站在頭排中間位置的陳展鵬即一支箭離場,留下單文柔獨自面對記者。

提到陳展鵬獨自離開,單文柔說:「係咩?我唔知喎。(佢唔想一齊做訪問?)可能佢有嘢做啩。(有溝通過?)冇特別講。(依家大家進展成點?)認識緊、了解緊囉。(覺得佢點?)幾好、唔錯。(佢有唔好嘅地方?)我淨係睇人好嘅一面,咁先開心。」她承認與展鵬有食飯及見面,多數「傾無聊嘢」,提到對方的情史及緋聞,她說:「喺報紙睇過,但冇嚇親。」