杜之克：無綫目標年吸300萬用戶
無綫節目及製作副總經理杜之克，與非戲劇製作助理總經理余詠珊昨日出席big big channel全球體驗發布會，余詠珊透露big big channel是公司新平台，猶如開多了一間新TVB，現已聘用百名員工負責寫稿及拍攝。App內有藝人表演、麻雀大賽、網上直播及一些與藝人互動的項目，當中亦有蒙面歌手表演，讓網民玩遊戲競猜歌手真實身份，網民亦可與藝人合唱或演對手戲，節目包羅萬有！
問到藝人是否可以透過App吸金？余詠珊坦言：「係呀！直播時網民可以送花、心心畀藝人，可以賺錢。（怕唔怕同內地直播網站有競爭？）呢個係全新平台，依家市面上未有呢樣嘢，我哋有好多藝人KOL，同市面上嘅唔同！」杜之克則表示big big channel投放資源絕不嘢小，這是全公司跨部門的任務，投資額難以估計，更會拍網劇及短劇，他說：「我哋目標係年底前有100萬用戶，一年內希望有300萬，6月23日後會陸續幫藝人開戶口。」
