《玄學星相》：鄺潔楹吼準時機膽大發圍
「仙氣女神」鄺潔楹（Judy）早前拍攝無綫節目《3日2夜》，憑着甜美外表和弗爆身材引起網民關注，隨即成為不少男士心目中的女神，堪輿學家雲文子於今集東網巨星節目《玄學星相》指她今年事業運勢不俗，可嘗試多方面發展。
東網巨星節目《玄學星相》向來內容精彩豐富，更邀來不同堪輿學家以玄學角度解答藝人的疑問，今集邀得堪輿學家雲文子逐一解答Judy的問題，近年人氣急升的Judy大多擔任主持工作，究竟今年的事業運如何？雲文子說：「以奇門遁甲推算，因為佢嘅命宮臨『九天』，即係代表進步、上升、大躍進，所以今年佢嘅事業運會非常旺，而且佢要好好把握今年嘅時機，對佢將來嘅事業可以打好基礎，會有好大嘅幫助。」
突破主持框框
至於Judy應該留力主持工作，還是可以作多方面發展？雲文子說：「因為『九天』亦代表廣闊、遠大，所以佢今年除咗主持嘅工作外，亦都有其他嘅演藝機會，佢可以放膽作唔同方面嘅嘗試。」
年尾注意健康
另外，Judy指上年身體狀況欠佳，不時生病，故她非常關心今年的健康運，雲文子說：「因為佢個命宮臨『天芮星』，即係代表一粒病星，會容易出現感冒、頭暈、頭痛嘅問題，所以今年佢嘅健康運同上年差唔多。」她亦透露Judy在年尾時需更注意身體狀況。想知道如何增強事業運？想繼續聽師傅點講？只要Click入東網巨星，睇《玄學星相》就更加啱Feel！
文：專案組
https://goo.gl/oG75w2