網民叫追「契妹」馬國明：唔好辣埋我！
曾與唐詩詠傳緋聞的馬國明（馬明）昨日到電視城拍攝劇集《宮心計2深宮計》，被問到「契妹」詩詠與洪永城（Tony）宣布分手，馬明說：「我都係呢幾日先知，大家好少講感情嘢，係詩詠主動打畀我，同埋聽林子善講。（佢心情點？）見佢冇乜嘢，可能唔係呢幾日發生，都已經一段時間。（分手原因？）冇問，呢啲等佢自己講。」他又指不清楚詩詠的新緋聞，但大讚對方好女仔，有人追也不出奇。
馬明現有新歡黃心穎，但大批網民竟希望他追求詩詠，他笑說：「哈哈……唔好辣埋我，佢傳緊新戀情，我又唔知係真定係假，如果係真嘅話，搞『禍』咗就唔好。（向心穎派定心丸？）派乜定心丸，唔好拉我落水！（搵詩詠食飯安慰吓？）之前大家一齊同佢食生日飯，嗰陣佢都好開心。（洪永城冇出席唔覺得奇怪？）其實佢未試過帶Tony同我哋班兄弟姊妹食飯，好似鄭嘉穎都冇帶過陳凱琳嚟。」
