衛詩雅親演輪姦戲林家棟喊驚！
女星衛詩雅在英皇電影《失眠》中與兩大影帝黃秋生及林家棟合作，親身上陣拍攝輪姦和虐打等重口味戲份，她感謝秋生與導演邱禮濤的指導：「好在有導演同秋生老師喺度，佢哋會不斷推我，希望逼到啲以前未見過嘅衛詩雅出嚟。見我就嚟跌，又會扶番我起身，所以成個拍攝喺好緊張、但又好安全嘅情況下完成，因為有佢哋兩個喺度。」
拒用替身
在戲中衛詩雅遭家棟報復，慘遭多名日軍輪姦，但她卻要求親自演出：「劇組有安排替身畀我，不過我想親自上陣，幫助自己更快進入情緒，最後導演都同意畀我去試。」家棟則說：「其實今次我係第一次同衛詩雅合作，第一日開工就同佢拍呢場強暴戲！當時自己都有啲驚，因為大家知道佢又瘦又輕，偏偏導演唔想就鏡頭，想一take過展現出嗰種殘忍同爆炸力！」
表現專業的詩雅獲導演邱禮濤的肯定：「畀日軍輪姦嗰場戲，因為全程係笠住麻包袋，見唔到個樣，所以一般觀眾好易就會覺得衛詩雅係用緊替身，無論佢做得幾好，觀眾都唔會有credit畀番佢。成班三唔識七、唔着褲嘅麻甩佬，逐個逐個爬上你身『印』！我諗對任何女演員嚟講，都係一件好難受嘅事！」
文：影視組