盧靖姍不求賺大錢只想感動人心

擁中美血統的盧靖姍（Celina Jade），母親是香港人，而父親Roy Horan是曾與成龍合演《蛇形刁手》的美國著名功夫演員。在香港長大的她操得一口流利廣東話，亦精通普通話及英語。她自小對唱歌有熱誠，15歲時向小室哲哉拜師並出過一張唱片，其後與黃栢高簽約及經對方引薦投身電影圈，曾參演港產片及西片。而電視劇方面，她曾參演大熱美劇《綠箭俠》第一至四季。由於她從小跟父親習武，加上精通兩文三語，故工作機會不少。

吊威吔撞到腳腫

問到較喜歡在中國還是美國拍戲？盧靖姍坦言兩個國家都喜歡：「以替身為例，美國會用替身，如果演員受傷會影響成個劇組；但中國電影係另一回事，好多時自己親身上陣。（試過受傷嗎？）試過吊威吔撞到隻腳腫晒，又試過被打腫面。」

盧靖姍分享茹素奇效，令她燒傷不留疤。	未知盧靖姍父親Roy（右）有否催女兒與男友（左）結婚呢？	小室哲哉是盧靖姍15歲出道的師傅。

神奇素食不留疤

此外，盧靖姍與男友經營素菜餐廳，本來不是素食者的她於2014年因意外致1-3度燒傷，為免留疤而鑽研無加工的素菜食譜，加上被建議不吃甜，結果食療神奇地令她不留疤：「我住嗰間醫院知我食呢啲唔留疤，依家醫院有晒我嘅餐單。食素更有助醫治高血壓、糖尿及癌症等。只要識得點食，其實醫得好。」她又指其母兩年前患胰臟癌，誠心向觀音祈求吃素為媽媽延命的她說：「原本醫生話媽咪得2、3個月命，最後去到2、3年命，而且呢2、3年係有質素嘅生活，好感恩！」現已成為全素者的Celina，與同為素食者的男友拍住上搞素食餐廳，問到二人可有結婚計劃？她笑說：「結唔結婚唔係問題，最緊要互相尊重，愛情好緊要，但我哋想賺多啲錢先。」

文：名人組

場地：HOME Eat To Live

服裝：Theory