金泰璃ruffles着出仙氣

東網巨星娛樂節目《星魅博》向來深受觀眾歡迎，每集均請來時尚達人，為大家點評不同女星的衣着打扮，並帶來最潮、最in的潮流小tips！本周請來名模陳嘉容（Eunis）擔任客席主持，為大家介紹ruffles層次。她大讚劉嘉玲既優雅又性感，至於金泰璃就散發少女仙氣。

「呢條露肩裙用咗好多details位，其實唔係咁易着，因為咁多ruffles好易着得好肥，好彩佢好纖瘦，條裙比例好好，成個身形線條好修長。唯一係對鞋太heavy，如果佢換對唔係咁高platform嘅高踭鞋，感覺更襯。」

「全身黑色ruffles裙，外面襯一件白色長外套，elegant得嚟好性感，同埋襯咗對露趾涼鞋，啱晒嘉玲一向畀人感覺高貴、優雅同大方嘅形象。」

「呢個示範有反效果，胸部豐滿嘅人，再着ruffles衫會顯得更豐滿。如果ruffles個地方喺裙腳、衫袖或者頸，可能成個感覺望落去會修身啲，加上佢髮型化妝都比較簡單，如果紮起頭髮，令佢頸同膊頭線條突出番少少，成個感覺會Sharp同清爽好多。」