湯寶如不婚主義愛情靠信字
歌手湯寶如（湯記）相隔五年再出新歌《獨愛》，日前她接受東網巨星節目《娛樂onShow》訪問，除大談其歌曲表達女性要獨立自強外，更剖析多年未結婚的原因，並透露找蝦頭參演其MV。
湯記的新歌《獨愛》講述社會對婚姻及愛情觀的想法，並分享其心聲。日前她接受東網巨星節目《娛樂onShow》主持陳振安訪問，談到其歌曲表達女性獨立的訊息，是否與她多年仍未結婚有關？湯記坦言個性熱愛自由，不相信一紙婚書：「我好鍾意自由，唔喜歡受束縛，亦唔信契約制度，但並唔係唔信愛情，只係覺得一紙婚書唔代表啲咩。」她又透露即使工作亦不會簽合約，全靠一個信字，因為她認為這樣自由度較大，可隨時作出調動，更具彈性。
顛覆蝦頭形象
此外，湯記表示一向十分欣賞楊詩敏（蝦頭），故找對方擔任其MV女主角，想呈現蝦頭的另一面予觀眾，她說：「我覺得蝦頭喺舞台劇永遠都開心，但我想畀大家一種感覺，蝦頭都係女性，都有唔開心嘅一面，想表達佢嘅另一面出嚟。」湯記更大爆邀請蝦頭的趣事，想知道詳情？立即click入東網巨星收睇《娛樂onShow》啦！
文：專案組
場地：尖東港晶Neway