鄧佩儀挑戰對空氣做戲

無綫女藝員鄧佩儀（Gloria）早前忙於拍攝網劇《降魔的番外篇》，首次做女主角的她直言相當榮幸，她於戲中飾演擁有特異功能的女魔，戴上金色假髮的Gloria超級省鏡，甚有「異國風情」，她說：「大家都好認真拍攝，效果好有電影感，我演繹上都要好有想像力，使用特異功能係靠幻想去演，之後再做後製，大挑戰呀！要對住空氣做動作、表情，仲要吊威吔！（驚唔驚？）吊威吔之前試過，覺得好刺激，唔驚呀！睇科幻片就睇得多，我特別鍾意蜘蛛俠，依家終於有機會拍科幻類型嘅劇集喇！劇情係點未講得住，但我會一度失憶，同楊潮凱有感情線。」