蒸浸不分！薛家燕獻出「第一次」
藝人薛家燕、林嘉華及林漪娸日前為無綫劇集《燦爛的外母》到足浴店拍攝外景，三人坐在梳化上，一邊蒸腳，一邊商討對付黎諾懿的方法，家燕表示為新劇獻出了「第一次」：「我認真係大鄉里！以往工作忙，未去過足浴店，頭先將對白嘅『蒸腳』講成『浸腳』，笑大人個口！」
現實生活中即將「升呢」做奶奶的家燕，講起未來新抱，即笑到四萬咁口！問到囝囝石耀庭婚禮進度？家燕說：「好多嘢都未搞，酒席未安排，賓客名單都未定，搵個可以擺一百圍嘅場地又難，我又未決定係咪分三日擺，希望出年夏季擺酒，但聽人講農曆七月唔係咁好，再商量吓！」她透露未來新抱今年會首度一起慶祝母親節：「但嗰日撞正拍劇通告要拍到夜晚11點，惟有請監製、導演幫幫手，當日快快趣趣順利完成趕去食飯囉！」
