李曼筠約人做義工慘食檸檬

善心爆棚的藝人李曼筠（Maggie），不時到老人院做探訪活動，她表示跟老人家相處得很開心：「除咗探訪老人院，有時會派飯，有咩活動我都會參加，當自己去Party玩，見到班義工好開心。」Maggie透露當初是認識了主辦這類活動的朋友，對方叫她有時間就一起參與，慢慢就變成定期做義工：「一個月都有一兩次，最難忘係有一次同佢哋唱歌跳舞，因為啲歌係佢哋年代，婆婆跳舞好開心，我鍾意呢種感覺。」Maggie亦有邀請朋友一起做義工，可惜多數「食檸檬」，她笑言：「有啲人到嗰日就覆我『哈哈，今日唔得』，但其實佢嗰日約咗我去街o架喎，我唔信兩個鐘都抽唔到出嚟。」她又表明日後有男朋友的話，都會邀請對方參與：「兩個人拍拖去得邊度，都係食飯行街，不如做吓義工。」