崔碧珈獨愛運動男講心唔講樣
藝人崔碧珈（Anita）自小熱愛運動，她希望另一半同樣是運動型，擇偶亦會優先考慮圈中人，因她認為只有同行才能了解她的工作性質和配合拍拖時間，自言不是外貌主義者的她，更歡迎幕前或幕後男士追求！
擁有36G豐滿上圍的Anita早前參加瑞士天梭表2017世界場地單車錦標賽，自小熱愛做運動的她，因小時候家教嚴，外出只可以參加運動學會，結果培養出做運動習慣：「細個會玩球類、行山，人大咗好難玩群體活動，球類運動玩少咗，依家跑步、游水同踩單車，呢三樣自己想幾時去都得。」自小在英國倫敦讀書的Anita，透露當時是踩單車上學：「倫敦嗰邊可以借，好平，平過搭地鐵，又有單車通道，所以好安全。」
慳家拍拖法
近年Anita亦有參加馬拉松長跑，她認為可以鍛煉意志：「長途賽好悶，有幾次參加馬拉松係想扮拗柴，不如算啦，每次完成會跛一個星期，但都會同自己講係開心嘅。」問到是否要求另一半同樣是運動健將？Anita笑言試過跟「運動型」和「書生型」拍拖，發現前者的確較為適合自己：「因為拍拖一齊做運動，一齊狀態好，又平喎，去食飯嗰啲要使錢。」
撻着重量級球員
外形方面，Anita坦言不是外貌主義者：「試過同二百幾磅嘅男仔拍拖，佢好高大，係籃球隊，反而覺得有安全感！」不過娛樂圈很少「重量級」男士，豈不是很難找意中人？Anita笑說：「咁咪搵幕後囉，亦唔會刻意抗拒幕前，最好同行，幕後可能係化妝師、燈光師，冇所謂，會比較明白呢行時間。」她自言追求者有幕前和幕後男士，不過不急於拍拖，會先與對方維持好朋友關係。
文：專案組
攝：張福宏