劉溫馨唔受溝何君誠心淌血

緋聞男女何君誠和劉溫馨昨日到西貢拍攝無綫慈善騷項目，兩人接受訪問時企到離行離列，非常避忌。雖然之前何君誠曾公開表示想追女方，但他堅稱現在不會想太多。問劉溫馨是否請對方食檸檬？她說：「咩係食檸檬？（你拒絕人呀！）哈哈！我覺得做朋友幾好吖！（做男友唔好？）唔好！做朋友可以一世，又可以一齊拍嘢。」何君誠聞言即表示心裏淌血到想嘔，又笑指自己衰在「太好」。
劉溫馨講明「做朋友」，令何君誠非常冇癮！
劉溫馨講明「做朋友」，令何君誠非常冇癮！

同場的彭慧中透露將到越南山洞過五日四夜：「冇得沖涼，洞穴裏面個個都咁，冇乜所謂。（咁樣去到識唔到男仔！）我又唔係去識男仔，但有啲男仔鍾意女仔啱啱做完運動滴晒汗咁。」

彭慧中稍後到越南，未諗過有艷遇。
  • 彭慧中稍後到越南，未諗過有艷遇。